Paris : Panairi i parë i librit të Ballkanit, ne qeshor 2010

E premte 4 dhe e shtunë 5 qeshor 2010 nga ora 12 deri në orën 20.

të merkurën 2 qershor 2010 Nga ALBANIA

Shoqatat Albania dhe Courrier des Balkans organizojnë panairin e parë të librit të Ballkanit Do të jenë të pranishëm në Paris më shumë se 30 shkrimtarë të ardhur nga Shqipëria, Bosnje-Hercegovina, Bullgaria, Kroacia, Greqia, Kosova, Maqedonia, Mali i Zi, Rumania, Serbia si dhe nga Turqia.

Ky panair do ti prezantojë publikut larminë e botimeve aktuale si dhe atyre më të hershme nga Ballkani, në fushën e letërsisë e historisë.

Botues të shumtë nga Ballkani do të prezantojnë titujt e tyre në origjinal krahas botuesve francezë.

Seanca dedikimesh nga autorët, ekspozita fotografike si dhe librash të vjetër do të na shoqërojnë këto dy ditë.

Gjithashtu janë programuar katër tryeza të rrumbullakta :

Përshtypjet e udhëtarëve të huaj për Ballkanin nga shekulli i XIX-të e deri sot- Shkrimtarët nga Ballkani që shkruajnë në frëngjisht : ç’do të thotë të shprehesh në gjuhën e tjetrit?
Ballkani si temë letrare në letërsinë bashkëkohore
C’ vepra përkthehen në frëngjisht nga gjuhët e Ballkanit dhe përse ?