Albania

Romani « Kloroform » nga Klara BUDA

të dielën 28 mars 2010 Nga wbr

Të shtunën 3 prill 2010, vetê autorja prezantoi romanin « Kloroform » në Paris.

Në këtë roman, të saj të parë, Klara Buda përshkruan vështirësinë e realitetit në një regjim lirivrasës, absurditeti i të cilit , ndonëse ia del të përgjumë përkohësisht, dëshirën e individit për rebelim dhe liri shprehjeje nuk arrin megjithatë ta shkatërrojë.

Kloroformi, kjo substancë e përdorur dikur për të lehtësuar dhimbjet e të sëmurëve, helmon ajrin e një shoqërie, zakonet e morali i së cilës ndodhen në një gjendje të gangrenuar. Ndonëse titullohet Kloroform, libri nuk e përgjum aspak lexuesin, krejt e kundërta, stili dhe imagjinata e tij zgjojnë kujtesën e përgjumur duke i risjellë lexuesit një realitet të harruar.

« Edhe në zenit të fuqisë së saj, një diktaturë nuk mund të nënshtroje shpirtrat, e thënë ndryshe ajo nuk mund të skllavërojë të gjithë shpirtrat e lirë ».

Pas studimeve të larta për Letërsi bashkëkohore në Sorbonne, si dhe Histori arti në Ecole Pratique des hautes Etudes en Sciences Sociales, në vitin 1997, Klara Buda filloi punë si gazetare në BBC e më pas në Radio France International. Në vitin 1998 punoi në departamentin e komunikimit të UNESCO, në vitin 1999 bëhet gazetare e specializuar në Radio France International, për të kaluar më pas në vitin 2005 përgjegjse editoriale . Nga viti 2006 deri në vitin 2010 ajo ka drejtuar redaksinë e gjuhës shqipe në Radio France International.

Gjate mbrëmjes pati lexime pjesësh te shkëputura nga romani, debate si dhe një seancë dedikimi nga autorja.


Ballina e sitit | Kontakt | Plani i sitit | | statistikat | visitat 1103531

Suivre la vie du site sq  Suivre la vie du site MIRËSEVINI   ?

Tous droits réservés © 1997-2019 Albania
Sitët ndërtuar me SPIP 2.1.8 + AHUNTSIC
sur la ferme à SPIP de DnC développements sites et eCommerce