Dërgoni nje mesazh

Tiranë : 1 – 22 gusht 2012 - EU Info Center

Shkodër : 27 gusht – 31 gusht 2012 - Muzeu Historik

Berat : 3 shtator – 7 shtator 2012 - Parku i qytetit

Gjirokaster : 10 – 16 shtator 2012 – Shtepia e Skendulajve

“Fotografia ka kapacitet të prodhojë imazhe të njeriut dhe mjedisit të tij që janë edhe vepra arti, edhe momente në histori”. Dorothea Lange

“Mbro & Promovo” ështe sllogani i kerkimit fotografik qe shpreh dhe komunikon identitetin shqiptar permes perceptimit artistik te trashegimise kulturore nga te rinjte, te cilet nepermjet fokusit te aparatit te tyre sjellin artistiukisht ne vemendjen e publikut problematikat e ndryshme qe shoqerojne identitetin tone kulturor.

Mes 70 fotografish të paraqitura, një juri profesionistësh ka përzgjedhur 10 më të mirat, të realizuara nga 10 fotografë, të cilat bejne pjese ne ekspoziten shetitese “Mbro & Promovo” e cila nisi ne 1 gusht ne EU info Center ne Tirane, nen patronazhin e ambasadorit te BE-se në Tirane, Z. Ettore Sequi, per te vazhduar me pas drejt Shkodrës, e me pas Beratit e Gjirokastrës.

Qëllimi i këtij konkursi ishte tërheqja e vëmendjes së opinionit publik ndaj trashëgimisë kulturore, evidentimit të problematikës, promovimit dhe mbrojtjes së saj. Ky projekt gjeti mbështetjen e përfaqësisë së Bashkimit Europian në Tiranë.

Punët pjesëmarrëse në këtë konkurs u seleksionuan dhe vlerësuan nga një juri profesionistësh e përbërë prej fotografit Leon Çika nga agjencia “Reuters”, Lejla Hadiç, drejtoreshë e Cultural Heritage Without Borders, historiani Mesut Tufan, ish, drejtor i “SIPA Press” në New York dhe Paris, Hubert Le Forestier, atashe i kooperimit në Ambasadën Franceze në Tiranë, Auron Tare, drejtor i Qendrës Shqiptare të Kërkimeve Detare, filozofi e gazetari Shkëlzen Maliqi, kritikja dhe studiuesja e artit Suzana Kuka Varvarica, arkitektja Irsida Bejo, si dhe Andi Tepelena, drejtori i “Art Kontakt”.

Konkursi dhe ekspozita “Mbro & Promovo” eshte nje iniciative e revistes Art & Trashëgimi dhe e Cultural Heritage without Borders. Organizatoret e konkursit dhe ekspozitës: Irsida Bejo, Sara Capaliku, Jonathan Eaton.

Fotoja fituese: Ared Tagani, me titull “Galeria e artit të humbur”

Nje vajze me shikim te drejtuar jashte nje dritareje ku gjendet nje vile e vjeter tiranase, vila e familjes Toptani. Fotoja eshte nje inskenim i nje ekspozite arti, ashtu si nje person shikon nje pikturë ne nje ekspozite, ashtu edhe vajza ne foto shikon kete "veper arti" pertej kesaj dritareje.

Ne kete rast behet fjale per nje "veper arti" te humbur qe para se dikush te shikonte pertej dritares nuk i njihej ekzistenca... sepse njohim Kalanë e Petreles qe eshte kilometra larg Tiranes dhe nuk dime qe kemi nje ndertes ndoshta po me aq vlera ne qender te kryeqytetit.

Problemi eshte se dikush ka vendosur ta quaj toke te tij, ta rrethoje kte vile, apo pse jo te ndertoj nje bllok pallatesh ne nje te ardhme te aferme dhe ne jemi mesuar te kenaqemi me pak , te kenaqemi duke pare nje mur 10 metra te gjere e 5 metra te larte qe e quajme kala te Tiranes.

Fituesit e tjere qe jane dhe pjese e ekspozites

 Nagip Ismaili : “Hyrja e Manastirit te Ardenices”
 Jona Hysa: “Veshje popullore shqiptare” (Tropoje)
 Kleitia Vaso : “Gjirokastra”
 Egda Rapo : Porto Palermo Castle
 Sibel Pipa : “Kalaja e Nje Mbi Nje Dritareve”
 Muharrem Bendo : “Gjyma”
 Edmond Prifti : “Nder te rrallet lahutare ne Puke”
 Ardian Fezollari : Kisha e Marmiroit
 Rozafa Shpuza : Dera

Ky projekt mundesohet nga

 Revista Art & Trashegimi
 Cultural Heritage without Borders
 Shoqata Franko-Shqiptare Argjiro
 Bashkia Tirane
 Bashkia Shkoder
 Bashkia Berat
 Ambassade de France en Albanie

Expozita online: http://mbropromovo.tumblr.com/ Pyetjet mund t’i adresoni në : kontakt@art-trashegimi.com

Hapja e ekspozitës ne Tiranë dhe në Shkodër